AP Vahana Mithra Scheme Apply Process, Required Documents

AP Vahana Mithra Scheme 2025 Apply : ఆంధ్రప్రదేశ్ రాష్ట్రంలో ఆటో డ్రైవర్లకు , మ్యాక్సీ క్యాబ్ / మోటార్ క్యాబ్ డ్రైవర్లకు సంవత్సరానికి 15,000/- రూపాయలు చొప్పున ఆర్థిక సహాయం అందిస్తామని గౌరవ ముఖ్యమంత్రి శ్రీ నారా చంద్రబాబునాయుడు గారు ఇటీవల ప్రకటించారు. గత ప్రభుత్వము ఇలాంటి పథకాన్ని వాహన మిత్ర అనే పేరుతో అమలు చేసింది.

✅ ప్రతిరోజు ఇలాంటి వివిధ పథకాల సమాచారం మీ మొబైల్ కు రావాలి అంటే క్రింద ఇచ్చిన లింకుపై క్లిక్ చేసి మా వాట్సాప్ గ్రూపులో జాయిన్ అవ్వండి. మీ నెంబర్ ఎవరికీ కనిపించదు.

🏹 Join Our What’sApp Group – Click here

ఇందులో భాగంగా 2025 – 26 ఆర్థిక సంవత్సరంలో ఈ పథకాన్ని అమలు చేసేందుకు గాను అధికారిక జీవో విడుదల అయింది. సెప్టెంబర్ 13, 2025 నాడు ట్రాన్స్పోర్ట్ , రోడ్స్ అండ్ బిల్డింగ్స్ డిపార్ట్మెంట్ నుండి G.O.Ms.No.33 ద్వారా ఈ పథకానికి సంబంధించిన అర్హతలు ఏమిటి ? దరఖాస్తు విధానం ఏ విధంగా ఉంటుంది ? షెడ్యూల్ ? పథకం ఏ విధంగా అమలు చేస్తారు ? వంటి అన్ని అంశాలను తెలియజేశారు.

పైన పేర్కొన్న అన్ని అంశాల సమగ్ర విశ్లేషణ కొరకు ఈ ఆర్టికల్ ను చివరి వరకు చదవగలరు.

✅ AP NIT లో ఉద్యోగాలు భర్తీ – Click here

🔥 వీరందరికీ వాహన మిత్ర డబ్బులు15,000/- జమ (AP Vahana Mithra Scheme Money 15,000/-) :

• ఆంధ్రప్రదేశ్ రాష్ట్ర ప్రభుత్వం సొంతంగా ఆటో , టాక్సీ , మోటర్ క్యాబ్ , మ్యాక్సీ క్యాబ్ కలిగి ఉన్న డ్రైవర్లకు సంవత్సరానికి 15000 రూపాయలు చొప్పున ఆర్థిక సహాయం చేయనుంది.
• రాష్ట్ర ప్రభుత్వం వాహనాల ఇన్సూరెన్స్ , ఫిట్నెస్ సర్టిఫికేట్ , మరమ్మత్తులు చేసుకునేందుకు మరియు ఇతరత్రా అవసరాల ఖర్చుల కొరకు ఈ ఆర్థిక లబ్ధి చేకూర్చనున్నారు.
• గ్రామ వార్డ్ సచివాలయ శాఖ మరియు రవాణా శాఖ ఈ పథకానికి సంబంధించి అమలు చేసేందుకు గాను తదుపరి చర్యలు తీసుకున్నారు.

🔥వాహన మిత్ర పథకం అర్హతలు (Vahana Mitra Scheme Eligibility)

:

ఈ క్రింది అర్హతలు ఉన్నవారు ఈ పథకం ద్వారా లబ్ది పొందుతారు.

1. సొంతంగా ఆటోరిక్షా / మోటార్ క్యాబ్ / మ్యాక్సీ క్యాబ్ కలిగి డ్రైవర్ చేస్తూ వుండాలి.
2. ఆంధ్ర ప్రదేశ్ రాష్ట్రానికి చెందిన చెల్లుబాటు అయ్యే లైట్ మోటార్ వెహికల్ డ్రైవింగ్ లైసెన్స్ కలిగి వుండాలి.
3. ఆంధ్ర ప్రదేశ్ రాష్ట్రంలో వాహనం రిజిస్టర్ అయ్యి , రిజిస్ట్రేషన్ సర్టిఫికెట్ , ఫిట్నెస్ మరియు టాక్స్ సర్టిఫికెట్ కలిగి వుండాలి. ఆటో వారికి ఈ ఆర్థిక సంవత్సరానికి గాను ఫిట్నెస్ సర్టిఫికేట్ నుండి మినహాయింపు ఇచ్చారు.(ఆటో దారులు ఒక నెలలోగా వాలిడ్ ఫిట్నెస్ సర్టిఫికేట్ చేయించుకోవాలి)
4. ఆధార్ కార్డు కలిగి వుండాలి.
5. వైట్ రేషన్ కార్డ్ కలిగి వుండాలి.
6. ఒక కుటుంబానీకి ఒక లబ్ది మాత్రమే ఇస్తారు.
7. ఒకే కుటుంబంలో వేరు వేరుగా వాహన రిజిస్ట్రేషన్ మరియు డ్రైవింగ్ లైసెన్స్ కలిగి ఉన్నా సరే ఈ పథకానికి అర్హులే.
8. వాహనం తప్పనిసరిగా యజమాని అధీనంలో ఉండాలి.
9. వృత్తికి సంబంధించి ఎటువంటి పథకాలలో లబ్ది పొంది ఉండకూడదు.
10. కుటుంబంలో ప్రభుత్వ ఉద్యోగి / పెన్షనర్ ఉండరాదు. (శానిటేషన్ ఉద్యోగులకు మినహాయింపు కలదు)
11. కుటుంబంలో ఎవరు ఆదాయపు పన్ను చెల్లింపు దారులు ఉండరాదు.
12. ఒక నెల విద్యుత్ వినియోగం 300 యూనిట్లు లోపు ఉండాలి. (12 నెలల సరాసరి లెక్కిస్తారు)
13. 3 ఎకరాల లోపు మాగాణి , 10 ఎకరాల లోపు మెట్ట భూమి కలిగి వుండాలి.
14. మున్సిపాలిటీ ప్రాంతాలలో 1000 చదరపు అడుగుల లోపు రెసిడెన్షియల్ / కమర్షియల్ ఏరియా ఉండాలి.
15. ప్రభుత్వ సంస్థలకు , ఇతర సంస్థలకు లీజు కి ఇచ్చిన వాహనాలు ఈ పథకానికి అర్హత కలిగి ఉండవు.
16. వాహనం పై ఎటువంటి పెండింగ్ బకాయిలు , చలానాలు ఉండరాదు.

🔥 వాహన మిత్ర పథకం దరఖాస్తు ప్రక్రియ (Vahana Mithra Scheme Application Process) :

• నూతనంగా దరఖాస్తు చేసుకోవడానికి గ్రామ , వార్డు సచివాలయం ల ద్వారా అవకాశం కల్పిస్తారు.
• కొత్తగా దరఖాస్తు చేసుకోవాలి అనుకుంటున్న వారికి సెప్టెంబర్ 17 వ తేదీ నుండి సెప్టెంబర్ 19 వ తేదీ లోపుగా గ్రామ వార్డు సచివాలయం లో అవకాశం కల్పించారు.

🔥 వాహన మిత్ర పథకానికి అవసరమగు ధ్రువపత్రాలు (Documents required for Vahana Mitra Scheme) :

• కొత్తగా దరఖాస్తు చేసుకోవడానికి మరియు వెరిఫికేషన్ కొరకు లబ్ధిదారులు ఈ క్రింది ధ్రువపత్రాలు కలిగి వుండాలి.

1. దరఖాస్తు ఫారం
2. ఆధార్ కార్డ్
3. రేషన్ కార్డ్
4. డ్రైవింగ్ లైసెన్స్
5. రిజిస్ట్రేషన్ సర్టిఫికెట్
6. ఫిట్నెస్ సర్టిఫికేట్
7. టాక్స్ కాపీలు
8. ఇతర దృవపత్రాలు ఏమైనా

✅ RBI లో ఉద్యోగాలు – Click here

🔥 వెరిఫికేషన్ ప్రక్రియ :

• ఈ పథకానికి సంబంధించి వెరిఫికేషన్ ప్రక్రియ ను 22/09/2025 లోగా పూర్తి చేస్తారు.
• ముందుగా గ్రామ, వార్డు సచివాలయంలో గల వెల్ఫేర్ అసిస్టెంట్ లు దరఖాస్తు యొక్క అర్హతను నిర్ధారించి , సంబంధిత MPDO / మున్సిపల్ కమిషనర్ వారికి ఫార్వర్డ్ చేస్తారు.
• సంబంధిత అప్లికేషన్లు MPDO / మున్సిపల్ కమిషనర్ వారు అప్రూవల్ / రిజెక్షన్ కొరకు జిల్లా కలెక్టర్ వారి కి ఆన్లైన్ విధానం లోనే ఫార్వర్డ్ చేస్తారు.
• దరఖాస్తు దారుల యొక్క అర్హతల ఆధారంగా & పథకం యొక్క విధివిధానాల ఆధారంగా లబ్ధిదారులకు పథకం మంజూరు అవుతుంది.

🔥 పేమెంట్ చేయు విధానం :

• ఈ పథకానికి అర్హత కలిగిన వారికి కార్పొరేషన్లు ఆధారంగా నగదు జమ అవుతుంది.
• ముందుగా ట్రాన్స్పోర్ట్ డిపార్ట్మెంట్ కమిషనర్ వారు ప్రభుత్వం యొక్క చీఫ్ సెక్రటరీ కి ఫైనాన్స్ డిపార్ట్మెంట్ వారి అడ్మినిస్ట్రేషన్ శాంక్షన్ , బడ్జెట్ శాంక్షన్ కోసం ప్రపోజల్ పెడతారు.
• మంజూరు అయిన తర్వాత కార్పొరేషన్లు యొక్క పర్సనల్ డిపాజిట్ అకౌంట్స్ ద్వారా GSWS డిపార్ట్మెంట్ వారు ఇచ్చే అర్హుల జాబితా ప్రాప్తికి లబ్ధిదారులకు వారి వ్యక్తిగత ఖాతాలలో నగదు జమ చేస్తారు.
• ఈ క్రింది కార్పొరేషన్ల ద్వారా నగదు వ్యక్తిగత ఖాతాలలో జమ చేస్తారు.

🔥 పథకం అమలు చేసేందుకు గాను విడుదల చేసిన టైమ్ లైన్స్ :

• 2023 – 24 ఆర్థిక సంవత్సరానికి గాను ఉన్న డేటా ఆధారంగా ఫీల్డ్ వెరిఫికేషన్ చేసేందుకు వీలుగా డేటా అందుబాటులో ఉంచు తేదీ : 13/09/2025
• నూతనంగా దరఖాస్తులు చేసుకునేందుకుగాను అవకాశం కల్పించే తేదీ : 17/09/2025
• నూతనంగా దరఖాస్తు చేసుకునేందుకు గాను చివరి తేదీ : 19/09/2025
• సచివాలయ స్థాయి , మండల స్థాయి , జిల్లాస్థాయిలో వెరిఫికేషన్ పూర్తి చేయుటకు చివరి తేదీ : 22/09/2025
• అర్హుల జాబితాను విడుదల చేయు తేదీ : 24/09/2025
• గౌరవ ముఖ్యమంత్రి వారి ద్వారా నగదు జమ చేయు తేదీ : 01/09/2025