కౌశలం సర్వే, వాహన మిత్ర, తల్లికి వందనం, స్మార్ట్ రేషన్ కార్డ్స్ పథకాల లేటెస్ట్ న్యూస్

ఆంధ్ర ప్రదేశ్ రాష్ట్రంలో పలు సంక్షేమ పథకాలు అమలవుతున్నాయి. ఇటీవల కూటమి ప్రభుత్వం కూడా సూపర్ సిక్స్ – సూపర్ హిట్ కార్యక్రమం నిర్వహించి , సంక్షేమ పథకాల అమలు కచ్చితంగా జరుగుతుంది అని మరొక సారి పునరుద్ఘాటించారు.

రాష్ట్ర ముఖ్యమంత్రి శ్రీ నారా చంద్రబాబు నాయుడు గారు ఇటీవల జరిగిన సూపర్ సిక్స్ – సూపర్ హిట్ కార్యక్రమంలో భాగంగా ఆటో రిక్షా , మోటార్ క్యాబ్ / మ్యాక్సీ క్యాబ్ డ్రైవర్ లకు ఆర్థిక సహాయం అందిస్తామని తెలిపారు. అలానే పలు సంక్షేమ పథకాలు కి సంబంధించి అప్డేట్స్ కూడా లభించాయి. ఈ అన్ని అంశాల అప్డేట్స్ కొరకు ఈ ఆర్టికల్ ను చివరి వరకు చదవగలరు .

🔥 కౌశలం సర్వే గడువు తేదీ పొడిగింపు :

ఆంధ్ర ప్రదేశ్ రాష్ట్రంలో నిరుద్యోగులకు ఉద్యోగ అవకాశాలు కల్పించేందుకు గాను ఉద్దేశించిన కార్యక్రమం కౌశలం.
గ్రామ , వార్డు సచివాలయం సిబ్బంది యొక్క లాగిన్ ద్వారా మరియు సొంతంగా కూడా కౌశలం సర్వే నందు రిజిస్టర్ చేసుకోవచ్చు.
కనీస విద్యార్హత కలిగి వున్న వారు అందరూ కూడా ఇందులో రిజిస్టర్ చేసుకోవచ్చు.
ఆధార్ కార్డ్ , ఫోన్ నెంబర్ , ఇమెయిల్ , విద్యార్హత వివరాలు మరియు విద్యార్హత సర్టిఫికెట్ లు ఉపయోగించి ఈ సర్వే నందు రిజిస్టర్ చేసుకోవాలి.
రాష్ట్ర ప్రభుత్వం ఈ సర్వే లో రిజిస్టర్ అయ్యేందుకు గాను గతంలో సెప్టెంబర్ 15 వ తేదీని చివరి తేదీగా తెలుపగా ఇప్పుడు కౌశలం సర్వే లో రిజిస్టర్ అయ్యేందుకు గాను గడువు తేదీని సెప్టెంబర్ 20 వ తేదీ వరకు పొడిగించింది.
కౌశలం సర్వే లో ఇప్పటివరకు 13.13 లక్షల మంది రిజిస్టర్ అయ్యారు. మరికొద్ది రోజులలో సెలెక్టెడ్ క్యాండిడేట్స్ జాబితా కూడా అందుబాటులోకి తీసుకురానున్నారు.
ఆసక్తి కలిగిన వారు అందరూ కూడా వీలనంత త్వరగా సొంతంగా లేదా గ్రామ, వార్డ్ సచివాలయం సిబ్బంది ద్వారా కౌశలం సర్వే లో రిజిస్టర్ అవ్వండి.

🔥 తల్లికి వందనం – కొనసాగుతున్న గ్రీవెన్స్ పరిష్కారాలు :

ఆంధ్ర ప్రదేశ్ రాష్ట్ర ప్రభుత్వం సూపర్ సిక్స్ పథకాలలో భాగంగా అమలుచేసిన ప్రతిష్టాత్మకమైన పథకం తల్లికి వందనం పథకం.
ఈ పథకం కి సంబంధించి రాష్ట్ర ప్రభుత్వం ఎప్పటికప్పుడు అప్డేట్ లను ఇస్తూనే ఉంది.
గ్రామ, వార్డు సచివాలయం సిబ్బంది ద్వారా నమోదు కాబడిన గ్రీవెన్స్ లను పరిష్కారం చేస్తూ ఉన్నారు.
గవర్నమెంట్ ఎంప్లాయ్ , ఇన్కమ్ టాక్స్ గ్రీవెన్స్ లను సెప్టెంబర్ 15 లోగా పూర్తి చేయాలను అధికారులకు ఆదేశాలు జారీ కాబడ్డాయి.
అలానే వివిధ కారణాల చేత పేమెంట్ ఫెయిల్ అయిన మొత్తం 39,285 మంది కి సెప్టెంబర్ 15 వ తేదీ నాటికి మళ్ళీ పేమెంట్ అప్డేట్ చేయనున్నారు.
అలానే అర్హత కలిగి ఉండి , ఇంకా పేమెంట్ కాని వారికి ప్రతి శుక్రవారం కూడా పేమెంట్ చేయబడుతున్నాయి అని ప్రాధమిక సమాచారం కూడా ఉంది.

🔥 సెప్టెంబర్ 17 నుండి ఆటోడ్రైవర్ లకు 15,000/- రూపాయలు కొరకు కొత్త దరఖాస్తులు :

ఇటీవల జరిగిన సూపర్ సిక్స్ – సూపర్ హిట్ కార్యక్రమం లో భాగంగా రాష్ట్ర ముఖ్యమంత్రి ఆటో డ్రైవర్లకు , మోటార్ క్యాబ్ / మ్యాక్సీ క్యాబ్ డ్రైవర్ కు సంవత్సరానికి 15,000/- ఆర్థిక సహాయం అందజేస్తామని తెలిపారు.
ఇందుకు గాను గ్రామ, వార్డ్ సచివాలయం లోనే దరఖాస్తులు చేసుకునేలా అవకాశం కల్పిస్తారు.
సెప్టెంబర్ 17 వ తేదీ సెప్టెంబర్ 19 వ తేదీ వరకు నుండి నూతన దరఖాస్తులు ఆహ్వానిస్తున్నారు.
డిపార్ట్మెంట్ వారు వద్ద ఉన్న డేటా ఆధారంగా 2.75 లక్షల దరఖాస్తులు వెరిఫికేషన్ కొరకు ఎనేబుల్ అవుతాయి. ఇందులో పేర్లు లేని వారు మాత్రమే నూతనంగా దరఖాస్తులు చేసుకోవాల్సి ఉంటుంది.
ఫీల్డ్ వెరిఫికేషన్ ప్రక్రియ లో భాగంగా లబ్ధిదారులు అందరి చేత EKYC కూడా నమోదు చేస్తారు.
సెప్టెంబర్ 22 వ తేదీ లోగా వెరిఫికేషన్ ప్రక్రియ పూర్తి చేసి , సెప్టెంబర్ 24 వ తేదీ నాటికి తుది అర్హుల మరియు అనర్హుల జాబితా విడుదల చేస్తారు.
అర్హత కలిగిన వారందరికీ కూడా అక్టోబర్ 01 వ తేదీన ముఖ్యమంత్రి వారు నగదు విడుదల చేస్తారు.

🔥 మీ ఇంటి వద్ద కే స్మార్ట్ రేషన్ కార్డ్ :

ఆగస్టు 25 వ తేదీ నుండి పంపిణీ చేయబడుతున్న స్మార్ట్ రేషన్ కార్డ్ పంపిణీ కొనసాగుతుంది.
మొత్తం నాలుగు విడతల్లో పంపిణీ చేసేందుకు షెడ్యూల్ చేయగా ఇప్పటికే మూడు విడతల పంపిణీ ప్రారంభం అయ్యింది. నాల్గవ విడత పంపిణీ కూడా ప్రారంభం కానుంది.
రాష్ట్ర పౌర సరఫరాల శాఖా మంత్రి శ్రీ నాదెండ్ల మనోహర్ గారు ఇటీవల స్మార్ట్ రేషన్ కార్డ్ పంపిణీ కార్యక్రమం పై సమీక్ష నిర్వహించి , అధికారులకు పలు అదేశాలు జారీ చేయడం తో పాటు వివిధ అంశాలను తెలిపారు.
అక్టోబర్ 31 వరకు రేషన్ కార్డు పంపిణీ జరుగుతుంది అని తెలిపారు. అలానే రేషన్ కార్డు లో తప్పులు ఉంటే సచివాలయం వద్దకు వెళ్లి ఉచితంగా సరిదిద్దుకోవచ్చు అని తెలిపారు.
తప్పులను సరిచేసుకున్న తర్వాత వారికి కొత్త కార్డులు కూడా ఉచితంగా అందజేస్తామని తెలిపారు.
అలానే సెప్టెంబర్ 15 వ తేదీ నుండి వాట్సప్ గవర్నెన్స్ ద్వారా రేషన్ కార్డు లో తప్పులు సరిదిద్దుకోవడానికి అవకాశం కల్పించనున్నారు.